رسالة مهمه لكل بنت ❤️

السيدات قبل سن الأربعين
جسمها بيتهيأ لمرحله جديده

جسمها بيفقد كميه معادن كبيرة وده بياثر علي هرموناتها تحديدا الاستروجين بيقل كتير
وعظامها بتتأثر جدا والغضاريف أيضا

السيده بتوصل لسن ٤٠ سنه تحس انها كبرت علي الرغم من أن ف بعض الدول السن ده هو بدايه جديده لمرحله شبابيه تعيشها انضج

المشكله بتكمن انك بتصدق نفسك ( لما بتقول لنفسك انا كبرت )  عقلك الباطن بيصدقها ويعمل بيها ويطبقها

حاولي تلتفتي للحياه بشكل تاني ورؤيه ورديه
اكتئابك مش هيعود علي حد بالسلب الا انتي

هيجيلك هشاشه عظام
تأكل غضاريف الركبه
جلدك وبشرتك هتبدأ تفقد رونقها وحيويتها
هتحسي بالارهاق الشديد وضعف العضلات

الحلول ايه ⁉️

✅الشمس دي اكبر نعمه ربنا ادهالنا
اصحي بدري وعرضي نص جلدك للشمس ربع ساعه ف اليوم ( محدش يقولي عاوزانا نمشي عر_ي_انين 😂

عندنا اكيد مكان ف بيتنا بلكونه أو شباك نقعد تلت  ساعه ٣ مرات أسبوعيا ناخد فيتامين د ونقوي عضامنا وعضلاتنا

✅ناخد ينسون بيروق الأعصاب وبيدخل استروجين جسمك وبيعطيكي هدوء وراحه نفسيه وانتي بتشربيه بدل المكيفات

✅ناخد سمسم وبذور الشيا وخضار ( مصادر كالسيوم واستروجين وعلي فكرة فيتامين K2  مهم جدا عشان العظام والمفاصل اهم من الكالسيوم نفسه

✅انزلي اتمشي ع الأقل يوم بعد يوم واستنشقي هواء نقي يدعم الرئه ويقوي القلب والشرايين ويقلل الكوليسترول اللي كلنا بنشتكي منه

✅قاطعي السكر الأبيض والفينو والحلويات
خلاص اكلنا كتير اوي سويتس وسكر ابيض لحد ما صحتنا اتاثرت
ع الأقل قللي جدا قدر الإمكان

✅واخيرا قوي علاقتك بربنا المفروض دي رقم واحد طبعا ،،   وابتعدي عن مصادر الطاقه السلبيه ف حياتك حان الوقت للبلوك 😄 احنا مش هتفضل مستحملين ناس مفيش لا ذوق ولا اخلاق ولا ضمير وهما بيقرفوا فينا
اختاري ورتبي اولوياتك صح عشان صحتك هي كنزك

✅اخرجي اتفسحي بأقل الإمكانيات ومتقولش مفيش فلوس

انتي ممكن تنزلي تساعدي حد كبير ف السن وهو بيعدي الطريق أو تاخدي معاكي مايه تديها لعامل نضافه أو تسقي كلب أو قطه أو عصفوره

صدقيني هتشعري براحه نفسيه رهيبه لما تكوني حد رحيم ❤️ وهترجعي بيتك عندك طاقه رهيبه انك تكملي حياتك بالظبط كأنك شحنتي قلبك بالخير ❤️

  #رحاب_احمد_تغذية_علاجية
#امرأة_متميزة
#لجمالك

عايزة تهتمي بشعرك وتطوليه وتفرديه

انضمي الينا😊

https://www.tg-me.com/joinchat-TI7HSxmSD2RBCLMI

أهم 7️⃣خطوات بتعملهم دايما الأنثى الناجحة ‼️

1️⃣🟪بتراجع إخفاقاتها وبتعيد تقييمها من جديد وتتعلم منها دروس تزيد من حكمتها وبصيرتها

2️⃣🟪 عندها مرونة ومش مفعلةالمثالية في حياتها وبالتالي

بتتعامل بمبدأ (الخطأ=فرصة جديدة للتعلم ) 👌

3️⃣🟪بتتعلم باستمرار ومبتوقفش👌

هي دايما  على ذمة رحلة تعلم عشان التعلم والمعرفة هما غذاء

العقل ...التعلم بيخللي  دماغك ماتريحش ويحصل في فكرك جمود
وبالتالي هتبقى
من أصحاب العقليات الثابتة "scarcity mindset "ودي
العقليات اللي فيها تحجر وجمود


4️⃣🟪مابتسيبش نفسها في منطقة الراحة كتيير😴

عشان كدة بتلاقيها مش بتسوف كتيير أو بتنام كتيير
بتبقى عملية ومنجزة

بدون الطلوع من منطقة الراحة انت مش هتتعلمي شي وعقليتك

هتفضل زي ماهي

5️⃣🟪بتتخيل نجاحها

شايفة نفسها دايما وهي بتشتغل على أهدافها وبتخططلها وبتسعى للنجاح وعارفة إن التوفيق من عند ربنا
شايفة حياتها وهي بتحقق نجاحها

إزاي؟..حياتك شكلها ايه؟..تفكيرها عامل إزاي

...لبسها ...اكلها ...علاقاتها...صحتها


6️⃣🟪بتراقب وتسمع الاصوات اللي جواها وبتقدر تتواصل مع نفسها من خلال صوتها الداخلي

راقبي أفكارك والصوت اللي بيطلع منها لأنه هو اللي بيؤثر على نظرتك لأحداث حياتك

7️⃣🟪 دايما  عندها قدوة في حياتها بتستمد منها الإلهام اللي بيكون مصدر لتجديد شغفها وحماسها في الحياه  

#أقوى_من_جوة_لبرة
#امرأة_متميزة

نضارة البشرة

https://www.tg-me.com/joinchat-TI7HSxmSD2RBCLMI

نضارة البشرة

الماء

المساج

https://www.tg-me.com/joinchat-TI7HSxmSD2RBCLMI

دورة اسرار السعادة

قريبا علي قناتنا

😘😘😘😘


عايزة تكوني فعلا جميلة خارجيا وداخليا

اكيد لازم تتعرفي علي خطوات السعادة

ولما هاتكوني سعيدة اكيد هايظهر علي بشرتك وشعرك وطريقتك ومشيتك واسلوبك


انتظرونا مع د.هالة محمود علي قناة همسات انثويه
https://www.tg-me.com/همسات انثويه امرأة متميزة /com.moslamawoman



الدورة لمدة اسبوع


وستحذف بعد ذلك


شاركي الخير 🎊🎊🎊🎊🎊

ايه مميزات دوارتنا😊

تعالي اقولك‌‌✍

النّص المترجم: ar-ar
ايه مميزات دوارتنا😊

تعالي اقولك‌‌✍

اولا متابعه مع المدربة خلال فترة الكورس✅ وبعده

ثانيا اسلوب بسيط وسهل وواقعي✅

ثالثا بتفضل معاك الدروس ولا تحذف✅

رابعا هدايا مجانيه كثيرة مع الكورس✅

خامسا جزء كامل للصحة النفسية والمرونة✅ النفسيه

سادسا هانعرفك ازاي تعملي روتين لنفسك✅
وتكتسبي عادات مفيدة وازاي تتخلصي من عادات غير مفيدة


والعديد والعديد من المفاجأت للعضوات✅

كمان خصومات للكورسات✅


للاشتراك بدورات التجميل انضمي الينا

https://www.tg-me.com/Dawaratt

https://www.tg-me.com/joinchat-TI7HSxmSD2RBCLMI

حديث جميل جدا ... لو طبقناه في بيوتنا مع بعض كزوجين ومع الاولاد ...هايفرق جدا

قال رسول الله صلى الله عليه وسلم (علموا ويسروا ولا تعسروا ، وإذا غضبت فاسكت ، وإذا غضبت فاسكت وإذا غضبت فاسكت ) رواه الإمام أحمد .

تخيلوا ... لو ده بقى منهجنا ... إن لو في حد في البيت مش عارف يعمل حاجة نعلّمهاله

واننا نسهّل الأمور على بعض ، ومانصعّبش الدنيا .

واننا لما نغضب، نسكت (كررها ٣ مرات من أهمية الأمر ) .... بدل ما نقول كلام غلط نندم عليه .

في بيوت كتير ... سبب المشاكل فيها ان في حد دقيق المحاسبة ..او اننا مش بنصبر على حد لما بيتعلم حاجة مايعرفهاش ... او إن الناس دايما تختار الاصعب مش الاسهل

احفظوا الوصية ... ونقولها تاني

علموا
ويسروا ولا تعسروا ،
وإذا غضبت فاسكت ، وإذا غضبت فاسكت وإذا غضبت فاسكت

#دفا_البيوت
#محمد_فتحي
#همسات_زوجيه

علشان تعيش البرّكة...

البرّكة جند من جنود الله بتخلى حياتك ماشية سلسة وجميلة وكل زنقة تلاقيلها مخرج..

✨ أسرار البرّكة..🤍
✔️ الصحيان بدري وصلاة الفجر وقراءة الأذكار
عن النبي صلى عليه وسلم قال: ((اللهم بارك لأمتي في بكورها))

✔️ تحديد هدف واضح خلال اليوم وتسأل نفسك عايز تطلع بإيه من يومك
وتاخد خطوات تجاهه وأنت مُستعين بالله
تبعاً لعلم النفس الإيجابي الحاجة اللي بنركز عليها بتكبر وبتزيد

✔️ #النيّة سر نجاح أي عمل
كل ما أخلصت النيّة هتلاقي ربنا بيرزقك السُبل و السكك بتتفتح قدامك

✔️ #التقوى أكبر أسباب البرّكة
تتقي الله في أفعالك وأقوالك
"وَلَوْ أَنَّ أَهْلَ الْقُرَى آمَنُوا وَاتَّقَوْا لَفَتَحْنَا عَلَيْهِمْ بَرَكَاتٍ مِنَ السَّمَاءِ وَالْأَرْضِ"

✔️ قراءة القرآن بيطرح البرّكة في كل حياتك
﴿كِتَابٌ أَنْزَلْنَاهُ إِلَيْكَ مُبَارَكٌ﴾ ومن بركته أنه ما زاحم شيئًا إلا باركه ببركته!

وقراءة سورة #البقرة بذات من أكبر أسباب البرّكة
قال رسول الله صلى الله عليه وسلم: «اقرؤا سورة البقرة فإن أخذها بركة وتركها حسرة ولا تستطيعها البطلة».

✔️الصدقة ليها مفعول السحر في زيادة البركة
"مَّن ذَا الَّذِي يُقْرِضُ اللَّهَ قَرْضًا حَسَنًا فَيُضَاعِفَهُ لَهُ وَلَهُ أَجْرٌ كَرِيمٌ"

✔️ الإمتنان والشكر يُزيد النِعم
"لَئِن شَكَرْتُمْ لَأَزِيدَنَّكُمْ"

ربنا يرزقنا وإياكم البرّكة 🤍

بتعلموا إيه مع قرب شهر رمضان لزيادة البرّكة في حياتكم؟

#شهر_شعبان
#الإستعداد_لرمضان

رمضان شهر التغيير
رمضان بيكون فيه طاقة روحية كبيرة ممكن تشجعك على إحداث أى تغيير تريده فى حياتك

لو عايز تتغير
حدد تماما عاوز تتغير لإيه
حدد تماما "اساليب" إحداث هذا التغيير

و علشان تعرف الحاجات دى 

بدل ما انت قاعد تتفرج او تقرأ او تسمع  بوستات مالهاش لازمة

اعمل “بحث” عن التغيير الى انت عاوزه فى نفسك
و اقرأ
و اسمع
و طبّق

مع الاستعانة بالله هتوصل
وفى رمضان بالذات بيبقى فرصة 

و كل عام و انتم بخير
تقبل الله منا و منكم صالح العمل

#دعاء_راجح
#امرأة_متميزة

🔴 شربات الحلويات (سيرب ، قِطر ، شيرة)

من الأساسيات معانا فى شهر رمضان لأنه مكون رئيسي في كل الحلويات الشرقيه تقريباً

عشان كده فى البوست ده هنشرحلكم ...

١- الفرق بين السيرب التقيل والخفيف.

٢- طريقة ومقادير عملهم بشكل مظبوط.

٣- إيه هى استخدامات كل نوع منهم .

شير للبوست واحفظوا عندكم بقى هينفعكم كتير فى المستقبل 👍😉

🔸أولا الفرق بينهم

بيكون في نسبة السكر إلى الماء ، فكل ما زادت نسبة السكر وقل الماء أصبح ثقيل والعكس صحيح .

🔸 طريقة ومقادير السيرب ..

- الطريقة واحدة فى الاتنين مافيش اختلاف غير فى المقادير فقط
وهى ببساطة إننا بنضيف السكر على الميه بالمقادير المطلوبة وبنسيبهم على نار فوق المتوسطة لغاية ما السكر يدوب تماما فى المية
واول ما يبتدى يغلى بنضيف عصير نص ليمونة ونسيبها تتقلب معاه دقيقتين "بفعل الغليان فقط"
وبعدها بنوطى النار عليه جدا ونسيبه من ١٥ ل ٢٠ دقيقة لغاية ما يتقل (يُعقد) ويوصل للقوام المطلوب وخلاص كده بقى جاهز👍

- المقادير ..

⭕ الشربات الخفيف كل كوباية سكر بتاخد كوباية ميه

⭕ الشربات التقيل كل كوباية سكر بتاخد نص كوباية ميه
(((ودى ☝️ المعايير المظبوطة مليش دعوة بوصفات حد تانى)))

وممكن نضيف طعم أو نكهه للسيرب حسب الرغبة ... زى إضافة ..

عود قرفة ، ڤانيليا ، فص حبهان ، فص قرنفل ، بشر ليمون ، بشر برتقال ، ريحان .... إلخ

🔴⭕ ملحوظة مهمة جدااا (الشربات ما يتقلبش "نهاااااااائى" فى اى مرحلة عشان السكر ما يرجعش يتبلور تانى وينشف منك)⭕

⚫ الإستخدامات ...

🔸الشربات التقيل ...

بيكون للحلويات المقرمشة وده لأن نسبة المية فيه قليله
مناسب جداً لكل من ...

- الكنافة
- القطايف
- بلح الشام
- صوابع زينب
- الجلاش
- البقلاوة
- رموش الست
- الزلابية (لقمة القاضي)

🔸الشربات الخفيف ...

مناسب جدا للحلويات الطرية مثل ...

- البسبوسة
- كيك الروانى
- كيك الزبادي
- الكنافة الطرية زى الكنافة بالقشطة بيكون مناسب اكتر ، لكن الشربات الأساسى للكنافة هو التقيل.

🔴 شربات الكنافة بينضاف ساخن والكنافة ساخنة فى حالة عاوزينها تبقى طريه وماتتقطعش غير لما تبرد
وبيكون بار والكنافة ساخنة لما بنحبها مقرمشة وده القوام المثالى للكنافة

🔴 شربات البسبوسة بينضاف دافئ مائل للبرودة والبسبوسة سخنة ((مش ساخن على ساخن البسبوسة تسيح والسميد ياخد صدمة ومسامه تقفل ومايشربش كويس))

🔴 القطايف ورموش الست بلح الشام الزلابية البقلاوة الجلاش "مكسرات وكريمة" شربات تقيل بارد وكل حاجة منهم تكون سخنه جدا

⭕ طريقة الحفظ ...

- عشان نخفظه لفترة طويلة لازم نسيبه يبرد تماماً قبل الحفظ لأن حفظه ساخن بيكون سبب فى إنه يفسد ويتعفن

- بيحفظ فى برطمان زجاجي جاف ونظيف ومحكم الغلق

🔸 مدة الحفظ

تتراوح ما بين شهر إلى ثلاثة أشهر شرط عدم تعرضه للهواء أو الرطوبة.
وبألف هنا وشفا 🙂🌹
يرجى عمل شير للمنشور والنقل بإسم الصفحة فقط
Mo Shihata
#همسات_رمضانيه

السلام عليكم ورحمة الله وبركاته

يا صباح الخيرات  والبركات 🌹🌹🌹

        📝 تذكره الصباح

⬅️مسح العينين
⬅️دعاء الاستيقاظ
⬅️دعاء دخول وخروج الخلاء
⬅️استشعار الوضوء والوقوف أمام الملك
⬅️السواك
⬅️صلاه الفجر
⬅️اذكار الصباح
⬅️ ممارسه الرياضة في رمضان قبل الإفطار بنصف ساعة
⬅️جدول يومك
⬅️ترتيب أولوياتك
⬅️ورد القرآن
⬅️التراحم مع نفسك ومع الاخرين
⬅️صلاه الضحى صلاه الاوابين
⬅️تجديد وتنقيه النية في كل عمل قدر المستطاع
⬅️العطاء من القلب
#رمضان